[center]
يابخت الشارع وكل البيوت اللي تمريها
يابخت العطر وثيابك يابخت الكحل والحمره
يابخت اهلك وجيرانك وديره تسكني فيها
وحظ اللي تحبينه انا اشهد مهتني عمره
ياحظه بسمتك تمحي جروحه او تداويها
ياحظ اللي كتب لجلك قصايد يابخت شعره
حروفه تفتخر دامك من شفاهك تغنيها
هنياله قدر يسكن خفوقك حظه ياكبره
عيونك تقتل العاشق دخيلك لا تلديها
رموشك سهمها يذبح وعينــك تخفي العبره
تعالي ماأبي حبك ولا دنياي تضويها
ابسمع صوتك السحري أبي أتوه في سحره
تعالي واسمعي اجمل حروفي ثم غنيها
تعالي حرفي الصادق تعذب والورق قبره
اسولف لك عن اشعاري تسليك وتسليها
واقول العاشق المغرم بدى ينفذ ترى صبره
ويابختي كان جيتيني وعذب حروفي تقريها
ويتعانق مع حروفي شذى انفاسك العطره
ويابخت الشارع وكل البيوت اللي تمريها
يابخت العطر وثيابك..يابخت الكحل والحمره[/center]
موضوع: يابخت الشارع وكل البيوت اللي تمريها 
الأحد أكتوبر 30, 2011 4:52 pm
