الحرامى لعمنا بيرم التونسى

تسرق رغيف ياحرامى وتتحبس شهرين ؟
لو كنت قاضى المدينه لاحبسك سنتين
لان زنبك يامجرم يعتبر زنبين
*************

المهنه رخصتها لما سرقت رغيف
وسرقت من قبل ما تصبح وجيه وشريف
لا انت جرامى تشرفنا ولا انت وجيه
وياويله . ماأتعبه الواقف بين بينين
**********
تهجم على السرقه ليه يأجهل الجهال
رئيس قلم حضرتك ولا مدير اعمال
السرقه يابن الحلال صنعه وعايزه رجاال
***********
لهم فى فض المشاكل والامور تصريف
ومن وراهم ضهور جامده وجنس لطيف
يهونوا الى جرى ويلطفو تلطيف
وفين تروح جنب الاكابر فين
***********
اصبر على نعمتك يمكن تبقى وجيه
وجيه بمكتب وساعى بالجرس تناديه
وسكرتير زى حلاتى لما تشخط فيه
تتزلزل الارض والعاالم يقول يالطيف
والبنكنوت يتحشى لك حشو فى مظاريف
تلقاها بالصدفه فى جيبك بدون تكاليف
وتقول عجيبه يارب الظرف جانى منين